BACOLOD CITY – Magapangabay ang talatapan sang Commission on Elections sa Bacolod sa local government sang ciudad kag sa mga barangay nga buksan ang mga Day Care Centers sa adlaw sang election sa May 13.
Suno kay City Election Officer Atty. Mavil Majarucon-Sia nga liwat niya nga hingyuon sa Office of the City Mayor nga buksan ang mga Day Care Centers sa election day para may mabilinan ang mga nanay ukon ginikanan sang ila mga kabataan kon ini sila ang magkadto na sa mga polling places agud nga mag-boto.
Pahayag pa sang election officer nga katuyuan man sang ila request nga malikaw ang mga kabataan nga mag-antos sa mainit nga panahon kon ini sila ang maga-upod sa ila ginikinan ukon mga iloy nga magpadulong sa mga eskwelahan para magboto sa Mayo 13./dyHB BACOLOD
