Kalibo, Aklan — Arestado rong daywa ka mga persona matapos nga magbayolar sa Sec. 68 it Presidential Decree 705 sa banwa it Malinao kahapon.
Ro mga naaresto hay sanday Casiano Tacud, 30-anyos ag Arnold De Quiros, 18-anyos tanan residente it Brgy. Osman, Malinao, Aklan.
Gin aresto rong daywa it Malinao PNP sa pagpanguna ni PSI Alfonso Manoba Jr., Officer-in-Charge sa may parte it Brgy. Sta. Cruz Biga-a, Lezo sa ginpatigayon nga hot pursuit operation tag sanda ra hay maglikaw sa check point nga ginapatigayon sa may Brgy. Biga-a, Poblacion, Malinao.
Narecover sa andang possession ag control ro mga masunod: 1 unit it single Yamaha motorcycle, 6 bilog nga linagari it uwa masayuri it klase it kahoy; 3 bilog nga 4x6x10; 2 ka 6x6x8 ag 1 nga 4x5x8 nga naga total tanan it 121.33 board feet.
Detained sa lock up cell it Malinao MPS rong daywa para magapangatubang it kaso samtang rong mga na recover nga kahoy hay igaturn over sa DENR-PENRO para sa nagakaigo nga disposition.
