Banga, Aklan — Na-ospital rong mga sakay it daywa ka mga motorsiklo matapos nga magsunggaban kabii sa national highway kung Brgy. Linabuan Sur, Banga, Aklan.
Ro mga biktima nakilaea kanday Jude Rence Raquin, 19-anyos nga nakaangkon it bali waeang butkon; Reymart de Pedro, 22-anyos nga nakaangkon it bali sa tuo nga batiis, parehong residente it Brgy.Aranas, Balete, ag Richenel Yecla, 34-anyos residente it Brgy. New Buswang, Kalibo nga nakaangkon man it lastro sa waea nga alima.
Suno kay PO2 Danilo Dalida it Banga MPS naga guwa sa andang ibestigasyon nga kabii rayang si Raquen ag De Pedro hay halin sa banwa it Kalibo pauli eon kunta sa Aranas pag abot sa lugar it aksidente hay sinunggaban ra sanda ni Yecla nga halin sa Brgy. Bacan, Banga sa sangka birthday ag nagapauli man eon sa banwa it Kalibo.
Insigida man ra sanda nga gin respondehan it mga taga PDRRMO-Aklan, MDRRMO Kalibo ag MDRRMO Banga ag gindaea sa Aklan Provincial Hospital.
Nasayuran nga si De Pedro hay nakainum tag matabo ro aksidente.
