Kalibo, Aklan — Arestado rong daywa ka mga akusado kahapon matapos nga serbehan it warrant of arrest ko mga taga Kalibo PNP, Aklan PPO Tracker Team ag Aklan Provincial Mobile Force iya sa banwa it Kalibo.
Ro nasambit nga mga akusado hay nakilaea nga sanday Julyfer Albacino y Icawalo, 26-anyos, residente it C. Quimpo St., Kalibo, Aklan ag Sheen Rose Suante y Suñer, 25-anyos ag residente it Oyo Torong St., Kalibo, Aklann.
Gin aresto rong daywa pinaagi sa bisa kung warrant of arrest nga may criminal case # 10529 sa kasong pagbayolar sa R.A. 8049 ukon Anti-Hazing Law of 1995 nga gin issue ag gin permahan ni Hon. Judge Bienvenido P. Barrios Jr., Presiding Judge it RTC 6, Branch 3, Kalibo, Aklan nga may petsang Oktubre 24, 2012.
Tig P20,000 pesos kada isaea ro gintaeana it korte nga pyansa para sa andang temporaryong kahilwayan.
Rayang mga akusado hay gin turn-over man sa korteng natungdan.
