Kalibo, Aklan — Magapangatubang it kasong administratibo rong daywa ka mga police officer nga assign iya sa Aklan.
Sa pakikipag-angot kay Mr. Allen Camering, investigator it National Police Commission (NAPOLCOM) Region 6 nga ro nasambit nga mga police officer hay sanday PO3 Ryan Nahil it Maritime Command sa Caticlan ag PO2 Jake Allan Villegas nga na-assign sa Crime Lab Boracay.
Suno kay Camiring nga kahapon rong deadline sa 8 ka mga police officer iya sa Aklan nga magreport sa NAPOLCOM para kunta maka eksplekar sanda kon ham-an nga nagbayolar sanda sa sueondanan sa ginpatigayon nga annual and audit inspectionko nagtaliwan nga Setyembre 20 hasta it Oktubre 12, 2017.
Ro 8 ka mga police officer hay naka report mat-a pero sanday Nahil ag Villegas hay uwa gid.
Bangud kara igapaidaeom ra sanda sa pre-charge investigation ag pagapasakaan it kasong administratibo kung NAPOLCOM nga “Grave Neglect of Duty”kung sa siin raya hay sangka grave offense ag ro pinakamataas nga pinalidad kara hay dismissal sa serbisyo.
Sa pihak nga parte gindayaw mat-a ni Camiring rong kabilugan nga mga municipal police station sa Aklan bangud sa makaron nga pagpatigayon nanda it inspection hay nag-improve sanda.
