Kalibo, Aklan — Arestado it mga kapulisan rong daywa ka mga wanted persons sa magkaseparar nga kaso iya sa banwa it Kalibo kabii.
Una nga gin aresto si Willy Tambong y Rufino, 42-anyos native it Brgy. Oquendo, Balete ag presente nga naga istar sa Brgy. New Buswaang, Kalibo pinaagi sa bisa kung warrant of arrest nga may criminal case # 14090 sa kasong pagbayolar sa Section 5 (i) it R.A. 9262 ukon Physical Abuse ag may pyansa nga P 6,000 pesos para sa anang temporaryong kahilwayan.
Ro warrant of arrest ni Tambong hay ginpermahan ag ginpaguwa ni Hon. Judge Bienvenido P. Barrios, Presiding Judge, RTC 6, Branch 3.
Samtang, arestado man so Rolando dela Rosa y Balbino, 47-anyos ag residente it Purok 2 C. Laserna St., Kalibo, Aklan.
Gin aresto si Dela Rosa ko mga katapo it kapulisan sa 888 Hardware nga nahamtnag man sa lugar pinaagi sa bisa kung warrant of arrest sa pagbayolar sa R.A. 10883 ukon Anti-Carnapping Act of 2016 ag may gintaeana nga pyansa nga P200,000 pesos para sa anang temporaryong kahilwayan.
Ro warrant of arrest ni Dela Rosa hay gin issue ni Hon. Judge Nelson Bartolome, Presiding Judge, RTC 6, Branch 8, Kalibo, Aklan.
Ro daywa hay detained sa Kalibo PNP ag iga turn-over sa korteng natungdan.
