Daywa rong patay matapos nga maaksidente sa ginasakyang motorsiklo kaina it 12:15 rong aga-aga sa national highway it Brgy. Linabuan Norte, Kalibo, Aklan.
Kalibo, Aklan — Uwa eon nakaabot pa nga buhi sa Aklan Provincial Hospital si Jovy Ilig y Francisco, 20-anyos ag residente it Brgy. Janlud, Libacao matapos makaangkon it grabeng lastro sa ueo (pusa rong ueo).
Samtang ginbawian mat-a it kabuhi kaina mga ala 1:00 it aga-aga ro anang backrider nga si Maryniel Sauza, 19-anyos it Brgy. Julita, Libacao samtang ginabueong sa emergency room it Panay Health Care Hospital bangud sa lastro man sa anang ueo.
Sa imbestigasyon it Kalibo PNP naga guwa nga rayang mga biktima hay halin sa banwa it Kalibo ag nagapaadto sa direksyon it Banga kaibahan pa gid rong daywa nga sanday Rodrigo Sapanza, 25-anyos it Brgy. Janlud ag Bea Nepomuceno,19-anyos it Brgy. Bonsa, Libacao kat nag overtake raya pero nadueaan it control sa manebela rason nga sumunggab ro ginasakyang motorsiklo sa poste it Akelco ag sumunggab pa gid sa steel gate it Romero residence.
Nasayuran nga naga board sa may Oyo Torong, Kalibo ro mga biktima.
