Davao City – Gilauman nga anaa sa 80, 000 ka pasahero ang mobiyahe ug mupauli subay sa obserbasyon sa Semana Santa sugod Abril 3-9, 2023.
Saysay ni Aisa Usop, Manager sa Davao City Overland Transportation Terminal (DCOTT) atol sa iSpeak kaganinang buntag, March 30, 2023, nga daghang pasahero ang manguli sa ilang tagsa-tagsa ka probinsya tungod dili na strikto ang palisiya karon itandi sa panahon sa pandemya.
“Dili na kaayo ta istrikto when it comes to requirement. So naay possibility nga pamilya napud ang manguli sa ilang provinces,” dugang ni Usop.
Bisan pa man sa laumang dagsa sa mga pasahero, hugot nga gipahinumdom sa DCOTT manager nga nagpabilin ang “No pickup Policy” alang sa seguridad sa katawhan.
Gilou De Baguio, DNSC-BACOMM Intern
Facebook Comments
