Walay conflict sa Martial law ang deklarasyon sa Comelec nga ilang gipa-ilawom sa hot spot ang tibook Mindanao sa eleksyon sa Mayo.
Mao kini ang gibutyag ni kanhi Vice Mayor Antonio Soriano, sabay sa iyang pag-ingon nga ang deklarasyon sa Comelec walay kalambigitan sa Martial law nga gipatuman ni Presidente Duterte.
Matud ni Soriano nga ang deklarasyon sa Comelec usa lamang ka pre-emptive measures aron ilang masiguro nga malinawon ang eleksyon sa Mayo ning tuiga.
Gipasabot sa nasangpit nga kanhi opisyal nga ubos sa ilang deklarasyon ang Comelec makamando sa police ug sundalo sa pagpatunhay sa kahusay ug kalinaw sa oras nga dunay mga election related violence sa Mindanao.
Matud ni Soriano nga dili makamando ang Comelec sa mga police ug sundalo kon dunay mahitabong terroristic activities sa Mindanao bisan pa sa ilang deklarasyon nga election hot spot.
