Balete, Aklan — Padayon makaron rong imbestigasyon it Balete PNP angot sa gina alegar kaso it pag pang hold up it sangka delivery van sa Sitio Bangbang, Brgy. Feliciano, Balete kainang hapon.
Suno kay PO1 Aljorin Mendoza it Balete PNP ro mga biktima nakilaea kanday Almer Amblarena, 34-anyos, driver it San Jose, Antique ag Jonard Pachero, 41-anyos, pahinante ag taga Iloilo City.
Sa pagtutok it RMN News Team sa insidente naga guwa sa inisyal nga imbestigasyon it Balete PNP rayang delivery van sakay rong mga biktima halin sa western side it Aklan nag deliver it mga RTWs ag nagkoleksyon.
Tag sanda eon magapauli sa Iloilo City pag abot nanda sa banwa it Numancia (Bulwang) may nag para ag nakisakay nga manaog man sa may Feliciano ay idto ro anang kibahan gahueat ay naplatan.
Ginpasakay it driver kong delivery van ratong nagpara nga bangud kilaea nanda ag sambilog sa andang mga kleyente.
Pag abot sa Brgy. Feliciano idto gahueat ro daywa pa sakay it tricycle rason nga nag pundo ro saeakyan, nagdeklara it hold up, gintutokan it baril ag ginpang eampusan it maso sa itsura ag ueo rong driver ag pahenante.
Matapos nga mabuoe rong kwarta sueod it clutch bag dayon nag eagyo ro mga suspek sakay it getaway vehicle nga tricycle paadto sa Banga nga direksyon.
Gintinguhaan pa it driver nga maka drive paadto sa banwa it Balete ugaling sa grabe rong lastro sa itsura nag giwang giwang ro saeakyan nga napan-uhan man ko pila ka mga residente ag sanda ginbuligan.
Una nga gindaea sa Rural Health Unit it Balete ro mga biktima ag nakita nga grabe ro andang mga lastro hay gin refer daya sa hospital sa Kalibo.
Sa pag follow up it Balete PNP sa mga biktima sa hospital nasayuran nga gina sugid mga Muslim rong suspek sa nasambit nga insidente.
Sa tatlo ka mga suspek, daywa eon ro na identify ko mga biktima.
Sa makaron hay padayon pa rong gina patigayon nga follow ag manhunt operation kung Balete PNP kuntra sa mga suspek..
