Sumala ni Melodina Babante, Pest Control Worker 11 sa City Health Office, 77 ka mga inbibidwal ang nagkasakit sa dengue niadtong bulan sa Enero ug Pebrero 2021 samtang karon tuiga dunay 150 ang nataptan sa maong sakit sa susamang mga bulan.
Matud ni Babante, sagad sa mga nagkasakit og dengue nag-edad 5 anyos ngadto sa 10 anyos nga mga bata diin nasayran nga dunay usa ang namatay.
Segun ni Babante ang buhatan sa City Health Office padayon sa pagmonitor sa mga kabarangayan ilabi na sa hot spot barangays diin nagpahigayon sila og fagging aron mapakgang kining pagtaas sa dengue cases sa dakbayan.
Subling nagpahinumdom usab si Babante ngadto sa mga Dabawenyo nga ibalik ang 4:00 o’clock habit nga mogahin sila og panahon sa pagpanglimpyo sa ilang tugkaran sama sa mga lata nga dunay tubig gapundo ug posible diha mangitlog ang lamok nga nagdala sa sakit nga dengue.
RadyoMaN Don Pulayao
