Nagpirmahanay sang memorandum of agreement ang Department of Environment and Natural Resources ukon DENR 12 kag Department of Education – South Cotabato Division para sa pagpabakod sang environment and natural resources advocacy.
May-angot sini, naghatag sang 50 ka Pocket WIFIs ang DENR 12 nga gamiton sang mga estudyante sa pagpatigayon sang ila nga Environment and Natural Resources advocacy campaigns.
Sa idalom sang DENR XII Environment and Natural Resources (ENR) Ambassador Project, Tayo Ang Kalikasan (TAK) sang ahensya ang mga mapili nga mga estudyante ang mangin advocates sa pagpromote sang aktibidad nga may kahilabtanan sa protection and conservation sang biodiversity, solid waste management kag Climate Change adaptation and mitigation.
Ginhatagan naman punto ni DENR 12 Regional Executive Director Atty. Felix S. Alicer sa iya nga mensahe ang importansya sang mga kabataan sa promosyon sang environmental protection ilabi na sa subong nga panahon.
Ginsiguro niya man nga padayon ang ila nga pagpakig-angot sa DepEd para sa paghatag sang technical support kag training agud nga buligan ang mga ENR ambassadors.
May-angot sini, nagpasalamat naman si OIC-Schools Division Superintendent Dr. Ruth L. Estacio sa DENR sa pagpili sa DepEd South Cotabato bilang benepisyaryo sang nasambit nga proyekto.
Suno sa iya ang nasambit nga proyekto ang magasuporta man sa massive campaign sang DepEd sa online distance learning.
