Naglab-ot sa 31 ka mga land title ang ginhatag sang Department of Environment and Natural Resources ukon DENR 12 sa South Cotabato.
Samtang 30 naman sa mga ini ang special patents, tatlo ang residential free patents, kag isa ang agricultural free patent.
Ginapasalamatan naman ni South Cotabato Governor Reynaldo Tamayo Jr, ang ahensya tungod nahatag sa mga benpisyaryo ang titulo sang ila nga lupa.
Ang original certificate of title para sa compound sang South Cotabato Provincial Capitol nga ginbaton mismo ni Governor Tamayo. Sa Sarangani Province, lakip sa mga nahatag sang DENR ang special patents para sa mga recipient sang local government units, eskwelahan, kag headquarters sang 1002nd Infantry Brigade sang Philippine Army sa banwa sang Malungon.
Suno naman kay DENR 12 Regional Executive Director Felix Alicer, ini ang bilang pagpatuman sa Handog Titulo Program sang ahensya.
Ginpahayag ni Alicer nga ang mga titulo ang dapat nahatag na sang mga una nga bulan sang 2020 sang bawion sang ahensya ang suspension sa pagpanghatag sini sa nasambit nga mga probinsya, apang nadelatar tungod sa COVID-19 pandemic.
