RMN Laoag – Natay ti maysa a pasyente iti GRASMH gapu ta timmapuak manipud iti maikatlo a kadsaaran iti mismo a fire exit ti ospital idi Lunes oras ti alas siete iti rabii, Marso 4.
Iti naammuan tayo nga impormasyon ti biktima ket naka-confine iti provincial hospital ken agtawen iti 31, agnaed iti maysa a barangay idiay Pagudpud, Ilocos Norte.
Ti biktima ket maipagarup nga agsagsagaba ti depression isu nga inyospitalda tapno mapaagasan ngem daksang gasat gapu ta isu metten ti nagtappuakanna.
Maipagarup nga adda ti nadagsen a parikot na iti biag na nupay ti biktima ket maysa a mangisursuro iti sekondarya iti pribado a pagadalan iti Ilocos Norte.
Kinumpirmaran daytoy ni Dr.Roger Braceros ken kinunana nga ‘Alcoholic Withdrawal’ ti sagsagabaen ti biktima wenno epekto ti nalabes a panaginom ti makabartek a mainom.
Bernard Ver, RMN News
