Davao City- Giharass sa gituuhang mga miyembro sa New Peoples Army (NPA) ang detachment sa 3rd Infantry Batallion (IB) nga mao ang Charlie Command Post nga nahimutang sa Brgy. Carmen Baguio District Calinan ning syudad sa Davao kagahapon sa alas 4:30 sa hapon.
Kini ang gikumprima ni 1Lt Marcelo Amora, CMO SA 3rd IB atol sa interview sa DXDC RMN Davao kaniya diin misulong ug nakigbayloay og bala sa tropa sa gobyerno ang mga NPA diin milungtad sa tulo ka minuto ang maong engkwentro.
Base sa report, walay natalang casualty sa kasundaluhan apan dunay nakitang mga dugo nga gituuhang dunay samaran sa sakop sa NPA.
Narekober sa kasundaluhan ang 21 ka mga nagkalahi-lahing mga calibre.
Sa karon, ginasuta pa sa kasundaluhan og Pulang Bagani Command o mga sakop sa Guerrilla Front 54 ang misulong sa ilang detachment gani naghimo na usab sila og pursuit operation sa maong insidente.
RadyoMaN Renz Barbarona
