Dia Nicole sekreto nagatabang sa kabataang Lumad sa Butuan
Gipaambit ni Ms. Dia Nicole Mancao Magno, sa interview sa RMN DXBC Butuan ang iyang motibasyon sa pag-apil sa Bb. Pilipinas 2019, kinsa nagrepresentar sa Caraga region.
Niya pa nga niadtong buwan sa Nobyembre 2018 naka-desisyon siya nga mosalmot sa prestiryosong indigay sa kaanyag sa Pilipinas human siya nagka-weight lose.
Naka-angkla ang iyang adbokasiya sa Bb. Pilipinas sa Women Empowerment pinaagi sa kampanyang pagpaubos sa timbang sa mga kababayen-an, pagtutuk sa pa-ugnat sa kusug isip usa siya ka badminton player ug lakip ang pagpalambo sa edukasyon sa mga kabataang lumad.
Gibutyag ni Ms. Magno nga kasamtangan siyang nagtudlo sa usa ka IP School sa brgy. Anticala ning syudad sa Butuan.
Mensahe ni Ms. Magno ngadto sa mga maanyag nga dalaga sa Butuan ug sa rehiyon nga gustong moapil sa Bb. Pilipinas nga kinahanglan andamon ang pisikal ug emosyonal nga aspeto tungod kay mopailalum sila sa subsub nga pagbansay.
Batasanon usab nila ang kanunay nga pagbasa ug libro ilabina ang mga “current events” sa Pilipinas kay lakip kini sa mga pangutana atol sa kompetisyon.
Si Ms. Dia Nicole Mancao Magno, candidate #39 sa Bb. Pilipinas 2019 sa interview sa RMN DXBC Butuan.
