Davao City – Laumang mahuman karong tuiga ang ginatukod nga Dialysis Center sulod sa Southern Philippines Medical Center (SPMC) dinhi sa syudad sa Davao.
Sumala ni Dr. Trisha Manalaysay, Adult Nephrologist sa SPMC, maka atiman kini og 800 ngadto sa 1,000 ka mga pasyente mas doble sa kasamtangang makaya sa dialysis center.
Gumikan lima kini ka andana nga gambalay, nanginahanglan sila og dugang nga mga nurses sanglit sagad mi-gradwar sa maong kurso dili na manerbisyo sa syudad ug pilion nga mubyahe pa-abroad.
“We are trying to encourage the nurses na mag serve muna sa country kahit 2-3 years para tuloy-tuloy ang services dito sa Philippines,” segun niini.
Sa datos sa Department of Health (DOH), usa ang kidney disease sa Top 10 Causes of Mortality dinhi sa Pilipinas diin 40,000 ka mga Pilipino ang nag baton niini.
Matud ni Manalaysay nga liboan na ang nagapa-dialysis dinhi sa syudad nga mosukol sa kadaghan sa ihap sa National Capital Region (NCR).
Pinaagi sa Presidential Decree No. 184 ni kanhi Pres. Fidel V. Ramos, gideklarang Kidney Month ang bulan sa Hunyo tumong nga mapahimangnoan ang publiko kung unsa ka importante nga organ ang kidney sa kalawasan.
RadyoMaN Jason Amisola
