BACOLOD CITY – Nagpasalamat naman sa DYHB-RMN Bacolod ang Negros Dialysis Group bangud nga ginhatagan na sang Philippine Charity Sweepstakes Office sang pondo ang ila 14 ka dialysis sessions sini nga tuig – 2018.
Suno sa presidente sang Negros Dialysis Group Gregorio Gustilo nga nagpasalig na sa iya ang PCSO nga hatagan sang pondo ang ila mabilin nga dialysis treatment.
Lakip sa ginpasalig sang PCSO suno kay Gustilo amo nga indi na masulit ang natabu sang nagligad nga tuig sa diin wala na na-shoulder sang PCSO ang ila nabilin nga sessions bangud nga na-ubos na ang budget.
Bangud sini ginapasalamatan ni Gustilo ang DYHB kag city council sang Bacolod nga nag-bulig follow-up sa PCSO agud ma-solusyunan ang ila problema sa ila dialysis sessions.
Nahibalu-an nga ang Negros Dialysis Group ang may kapin sa 1,400 ka mga miembro sa bilog nga probinsya sang Negros Occidental./dyHB BACOLOD
