Dinakpan sa buy-bust operation sa Polomolok PNP, gikatakdang pasakaan ug kaso

9

General Santos City—Giandam na sa Polomolok PNP ang pagpasang-at ug kaso batok ngadto sa suspetsadong si Raul Amparo, 31 anyos, residenti sa Malabarbas Street, Barangay Poblacion, Polomolok, South Cotabato kansa una nang nasikop sa gihimong buybust operation sa kapulisan niadtong nakalabayng adlaw.

Una nang nasikop ang nasangpit human kining napalitan ug usa ka sachet sa gituohang shabu sa usa ka pulis nga nagpakarong-ingnong poseur buyer gamit ang P500.00.

Narekober gikan sa posisyon sa suspek ang usa ka pakete nga shabu ingon man ang marked money.

Nasayran nga una nang nakadawat ug report ang Polomolok PNP bahin sa iligal nga gimbuhaton sa nasangpit nga suspek maong gipahigayonan kini ug operasyon sa kapulisan.

Facebook Comments