General Santos City–karong adlawa pormal ng pasakaan og kasong pagsupak sa Sec.5 og 11 sa RA 9165 ang suspetsadong si Jeffrey Alisna, 29 anyos, ulitawo, traysikad driver residente sa purok 2 extension bo. b”laan brgy.labangal ning syudad kansa nasikop sa kapulisan sa buy bust operation alas 4:10 sa hapon sa purok Malipayon, Labangal, Gensan.
Sumala pa ni Police Captain Robert Fores ang deputy Station Commander sa Police Station 2 nga duna silay ginahimo nga surveillance sa mga drug personality sa ilahang AOR hinungdan nga ilahang nasikop ang suspek pinaagi sa buy bust human napalitan og usa ka sachet nga gotuohang shabu og nakuhaan usab sa posisyon sa nasampit ang lain pang usa ka sachet nga shabu ingon man P500.00 nga buy bust money.
Nasayran nga ang suspek gikan na sa city jail og na-dismiss ang kaso niini sa illegal drugs apan ilang namonitor nga mibalik sa pagpamaligya og droga hinungdan nga ilang gisikop pinaagi sa buy bust operation sa hiniusang pwersa sa Police Station 2 og PDEA 12.
Samtang dugang pagbutyag usab ni Police Captain Robert fores nga gawas nga gapamaligya og droga ang suspek nalambigit usab kini sa robbery sa ilang AOR og mismo ang mga residente na sa lugar ang mibutyag sa kapolisan nga ang suspek gapamaligya og mga kinawat nga mga appliances.
Gipaklaro sa opisyal nga dihang nasayran sa mga tawo nga nasikop ang suspek sa buy bust nga maoy gitudlo usab nga gapamaligya og kinawat nga mga tv ngadto kanila ilaha matud pang gipang-uli ang tv nga ilang napalit ngadto na sa balay sa ilang purok chairman. (Reynald Timario)
