BACOLOD CITY – Ginapatuman sini nga adlaw sang Diocese sang Bacolod ang “Wear Red on Wednesday.”
Katuyuan sang amo nga aktibidad nga iduso kag ipanindugan ang pagtuo kag ang kahilwayan nga ini ang mapabutyag.
Nagapati ang Diocese nga pinaagi sa pagsuksok ukon pag-gamit sang pula nga mga bagay mapakita ang solidarity ukon mabakud nga paghugpong sang mga ginapigos nga mga Kristiyano sa bilog nga kalibutan ilabi na ang mga ginapamatay.
Kalakip sa ginapangabay sang Simbahan Katoliko nga himuon agud ipanindugan ini nga kahilwayan amo ang pagsuksok sang pula, pagpakabit ang pula nga banner sa mga simbahan, pagpasiga sang pula nga mga suga sa ugsaran sang mga simbahan ka gang pag-halad sang misa para sa aton mga moderno nga baganihan.
Gina-encourage man sang Diocese nga ang mga may makuha nga photo ukon laragway sa amo nga aktibidad, i-share sa official publication sang Diocese sang Bacolod nga amo ang ADSUM kag butangan sang hashtag nga #RedWednesday kag #DioceseOfBacolod./dyHB BACOLOD
