Ang National Competitiveness Council of the Philippines (NCCP) mipagula ug usa ka ranking sa mga siyudad isip over all Most Competitive Component Cities nga gibase diha sa upat (4) ka Pillars o haligi nga mao ang Economic Dynamism, Government Efficiency, Infrastructure ug Resiliency alang sa tuig 2017.
Nakita diha sa resulta nga ang Dipolog, naka kuha sa ika-42 nga over-all rank component city kon ikumpara sa Dapitan city nga anaa sa ika-107 lamang o ika 5 gikan sa kinatumyan o sa kinatiku-an nga 112 ka entries sa local government. Ang Dipolog anaa sa rank 36 sa economic dynamism, rank 70 sa government efficiency, rank 31 sa infrastructure ug rank 68 sa resiliency.
Sa maong taas nga rank sa kagamhanang lokal sa Dipolog, nagpasabot lamang nga sukad pa kaniadto, kulelat gihapon ang pagdumala sa LGU-Dapitan ug gani hangtud karon nagdepende lamang ang siyudad sa Dapitan sa Internal Revenue Allotment (IRA).
Busa niining gipagula sa NCCP maoy lig-ong nga kapasikaran nga ang Dapitan nagkinahanglan na gayud sa maayo ug kugihan nga lideres aron ma paspas ang paglambo niini susama sa Dipolog. Usa ka lider nga mahigugmaon sa kalambuan ilabina nga ang Dapitan usa ka potensyal nga lugar alang sa turismo, diin kon itugot sa kahigayonan, molig-on na ang ekonomiya sa maong Siyudad.//PIC
