Diskriminasyon kag kakulang sang ayuda, ginareklamo sang covid-19 positive sa Barangay Granada

28

Kakulang sang ayuda kag diskriminasyon gina-reklamo karun sang isa ka call center agent nga positibo sa coronavirus matapos nga boluntaryo nagpa-swab kadungan sang mass testing sa ciudad sang Bacolod sang Agosto 28.

Si Leontina Reis, 49-anyos sang Providence Negros, Brgy. Granada, ang nag-upod sa mass testing bangud nga libre ini kag makabig siya nga vulnerable bangud ini ang diabetic kag hypertensive sa diin sang Setyembre 10, ini ang ginpahibalo nga nag-positive siya sa virus. Kasunod sini, ang iya bana nga may stage 1 thyroid cancer kag 21-anyos nga bata nga babaye ang gin-swab test man kag ginahulat nila karun ang resulta samtang naka-home quarantine.

Sang Setyembre 10, nagpangayo sang Vitamin C kag food packs si Reis sa mga barangay health workers apang ginhambalan siya nga wala na, gani maghulat-hulat lang anay, apang suno sa iya tubtob san-o sila nga magahulat, bangud halin pa man sang Agosto 28 wala naman siya naka-trabaho.

[image: image.png]

Facebook Comments