General Santos City—Gikadismaya ni Police Senior Superintendent Raul Supiter, City Director Sa Gensan City Police Office ang paghilambigit sa pipila ka mga pulis sa ginadiling droga. sumala niini nga luyo paman sa pag taas sa suhulan sa mga pulis, duna gihapoy pipila nga mahimo pang malambigit sa iligal nga aktibidad.
Kini ang nahimong reaksyon sa opisyal human nasikop sa PDEA ang pulis nga si PO1 Arjay Benatero nga nakabasi sa Traffic Management Unit (TMU) niadtong nakalabayng adlaw.
Gihingusgan pa niini nga wala siya nagkulang sa pagmay-may sa iyahang mga pulis nga likayan ang illegal nga aktibidad apan nagpabilin silang bungol.
Sa pikas bahin, ginasuta na ni Col Supiter kung may kakulangan ba si Police Chief Inspector Ruelito Lumiguid ang hepe sa TMU human nga wala niya namonitor ang iligal nga binuhatan sa iyang sakop nga si Benatero.
