Malay, Aklan — Arestado ko mga katapo it Regional Drug Enforcement Unit (RDEU) ro sangka dispatcher it taxi ag van sa Caticlan Jetty Port matapos nga ginpatigayon rong buy-bust operation sa Brgy. Argao, Malay, Aklan kahapon it hapon.
Nakilaea rong suspek kay Ferdinand Cahilig 52-anyos ag residente it Barangay Cogon Malay Aklan.
Nabuoe sa posisyon ag control ni Cahilig ro 8 tanan ka sachet it suspected shabu nga naga balor it Php2,000.00 kada sachet.
Base sa report it RDEU nga ro gina suplayan it illegal nga droga ni Cahilig hay ro isla it Boracay pero bangud sa ginpatigayon nga closure ko isla hay sa mainland eon lang imaw naga transaksyon.
Detained sa Malay MPS si Cahilig ag magapangatubang it kasong pagbayolar R.A. 9165 ukon Comprehensive Dangerous Drug Act of 2002.
