DLPC adunay paigong supply sa kuryente bisan og dry season na

Davao City – Gipasalig sa Davao Light and Power Company nga adunay paigong supply sa enerhiya bisan paman og natagamtaman na labihang kainit sa panahon.

Sumala ni Fermin Edillon, community relations manager sa DLPC nga dili angay mabalaka ang mga konsumante nga giserbisyohan sulod sa ilang franchise tungod kay halayo ang mga kabalaka adunay matigayong rotational brownout.

Matud ni Edillon, ang DLPC daghan og makuhaan sa enerhiya gikan sa mga power suppliers dinhi sa Mindanao rason nga dili maapektuhan ang ilang serbisyo ngadto sa mga konsumante.

Hinuon nagtambag kini sa publiko nga bisan og paigo ang atong enerhiya mas maayo gihapon nga magdaginot sa pagamit sa elektrisidad aron usab nga dili kaayo madak-an sa ilang binuwan nga bayranan sa DLPC.

Kahinumduman nga nag-anunsyo na ang PAGASA nga adunay masinatian nga El Niño kun taas nga hulaw sulod sa unom ka bulan.

RadyoMaN Erin Lumosbog

Facebook Comments