Davao City – Makapadayon pag-personal message o chat pinaagi sa social media ang mga delegado ngadto sa ilang mga minahal sa kinabuhi samtang nia dinhi sa syudad sa Davao sa DAVRAA meet 2018 human gipasalig sa Davao Light and Power Company (DLPC) nga walay ipatumang power interruption sa maong mga adlaw aron dili maapektuhan ang mga nakalinyang aktibidades.
Sumala ni Ross Luga, DLPC asst. Vice President for reputation enhancement, ilang ipasalig nga walay matigayong power interruption sukad pagsugod sa kompetisyon hangtod sa paghuman niini.
Hinuon gipasabot ni Luga nga dili malikayan nga dunay kalit nga pagkawala sa kuryente tungod kay dili nila kontrol ang tanan apan adunay silay ipatuman nga contingency measures alang niini.
Opisyal nga buksan ang DAVRAA meet 2018 karong Pebrero 18 ug mahuman sa Pebrero 23 ning tuiga ug gituhuang kapin 7 mil ka mga delegados gikan sa nagkadaiyang lugar sa Rehiyon-XI ang nia sa dakbayan sa Davao.
RadyoMaN Bernard Pantallon
