Dead on arrival sa Cabadbaran City District Hospital ang usa ka medical doctor human nabanggaan sa naghaguros nga SUV Montero didto sa lungsod sa Santiago, Agusan del Norte, bandang alas 8 ang takna kagabie. Giila ang biktima nga si Dr. Zoriel Arambolo, 28 anyos, dalaga ug residenti sa Cainta, Rizal kinsa magserbisyo unta isip “Barrio Doctor” sa lungsod sa Santiago ubos sa programa sa Department of Health (DOH).
Migawas sa imbistigasyon nga mina-og gikan sa gisakyang Bachelor Bus ang biktima apan wala niya nabantayan ang naghagoros nga SUV Montero ug nibangga sa biktima.
Daling gidala sa balay tambalanan ang biktima apan gideklara kining dead arrival sa attending physician.
Tumang kagool ang gibati sa pamilya sa gidangatan sa biktima kinsa bag-o lang nahimung medical doctor ug maoy “passion” ang moserbisyo sa mga katawhan sa mga lagyong lugar.
Ang pamahayag ni Arturo Arambolo, amahan sa biktima.
Misaad usab si DOH Caraga Reg’l Director Dr. Jose Llacuna, Jr. nga tutukan nila ang kaso aron masilotan ang driver sa Montero kinsa gikatahung misurender human sa insidenti.
Sent from my Samsung Galaxy smartphone.
