Nag-awhag ang Department of Health kon DOH Region 10 sa publiko nga eligible mabakunahan nga magpabakuna sa oras nga available na kini.
Sa interview sa RMN DXMB Malaybalay ngadto kang Dr. David Mendoza, ang OIC – assistant regional director sa DOH 10 gibutyag niini nga bisan ug normal lang sa tawo nga mahadlok apan angayan usab daw nga hunahunaon ang benepisyo sa bakuna kini aron maproteksyonan ang kaugalingon batok sa sakit nga COVID-19.
Matud ni Dr. Mendoza nga gisiguro usab nga kung naay pagbakuna, ipa-agi kini ug saktong proseso ug screening aron luwas kining gamiton sa usa ka tawo.
Samtang gibutyag usab ni Bukidnon Provincial Health Officer Dr. Garry Tabios atol sa interview sa RMN nga tanang klase sa bakuna, gisusi kini ug gipailawom sa evaluation ayha gamiton.
Kung aduna na matud pay ma-arpubahan ang DOH ug FDA nga bakuna, nagpasabot kini nga kini luwas ug epektibo.
