Mabahoe ro pagpasaeamat ni Department of Health (DOH) Undersecretary Doctor Eric Tayag dahil sa pagiging Smoke Free ko ibang lugar o banwa sa Aklan.
Sa pakikipag-angot it RMN-DYKR Kalibo kay Usec Tayag, nalipay imaw nga mabatian nga ro Aklan hay naga partisipar sa Nationwide Smoking Ban ukon Executive Order No. 26 nga pormal nga ging umpisahan ko adlaw it Dominggo.
Suno kay Tayag, dapat nga mag-pondo eon it pagpanigarilyo ro mga naga gamit kara bangod daya hay uwa man it ginataong manami sa kaeawasan.
Ging klaro man nana nga kung madakpan sanda nga aktwal nga naga panigarilyo sa publikong lugar hay pagataw-an sanda it nagakaigo nga penalidad.
Dapat suno kay Tayag nga kung gusto gid man nanda nga magsigarilyo hay kinahang-ean nga una sa designated area nga sarado ukon pareho sa kwarto nga indi makaguwa ro aso.
Panawagan pa nana nga dapat daya nga EO No. 26 hay seryosohon it tanan eabi eon gid nga ging mensyonar daya ni President Rodrigo Duterte sa ana nga SONA kahapon.
Dugang pa nga indi man pagpaeosuton it DOH ro mga madakpan nga naga sigarilyo sa pampublikong lugar nga maga-rason nga uwa sanda kasayod sa EO No. 26 dahil daya hay mabuhay eon nga gina bawae.
Samtang puwedi suno kara sanda nga mag-text it Stop Smoke sa numerong 29290-165-364 para makabaton it mensahe kung paano malikawan do pagamit it sigarilyo.
