DOH XI: Davao del Norte ug Davao City nanguna sa highest COVID-19 new cases

31

Davao City- Subling nitaas ang mga natalang kaso sa COVID-19 kada adlaw sa Davao Region.

Matud ni Department of Health XI Regional Director Dra. Annabelle Yumang, nibalik sa three digits ang matalang kaso sa COVID-19 sa Davao Region.


Gibutyag ni Yumang nakitang rason sa pagsaka sa mga kaso sa COVID-19 ang pagkumpyansa ug wala na pagtuman sa minimum health protocols sama sa mga mass gatherings,dili ensaktong pagsol-ob og face masks ug exposure sa mga COVID-19 patients.

“Mao gyud ning kanunay natong ginapahibalo sa katawhan ang pagtuman sa atong minimul health standards. Kada usa kanato giawhag nato nga ang tagsa-tagsa kanato adunay responsibilidad aron masumpo nato ning COVID-19,” segun niini.

Gikan Mayo 16-Mayo 22, 2021 anaa sa Top 10 sa adunay pinakadaghang kaso ang Davao del Norte, Buhangin District, Talomo North, Talomo South , Talomo Central Sasa, Sto. Tomas Davao del Norte, Digos City, Davao del Sur, District C ug Bunawan District sa Davao City.

Sa datos sa DOH XI sa Mayo 24, 2021, 26,144 ang kinatibuk-ang kaso sa COVID-19 sa Davao Region, 1,943 ang active cases, 23,135 ang total recoveries ug 1,066 ang total deaths.



RadyoMaN Aimee Guinita


Facebook Comments