Nagpahimangno ang Department of Labor and Employment (DOLE) Bukidnon kalabot sa paghatag sa 13th month pay.
Sa interview sa RMN DXMB Malaybalay ngadto kang DOLE Bukidnon Provincial Director Raul Valmores, gibutyag niini nga mamahimo lamang ihatag ang 13th month hangtod sa Disyembre 24.
Matud ni Valmores nga subay sa Presidential Decree 581, ang usa ka trabahante sa pribadong sector angayang makadawat sa 13th month pay nga katugbag sa usa ka bulan nga sweldo niini.
Bisan matud pa mukita o dili ang usa ka kompanya mandato pa gihapon sa balaod ang paghatag sa cash benefit.
Gihatagan usab sa pagtagad niini nga dili mamahimong ihatag ang 13th month pay sa in kind kon dili cash lamang.
Unsa mang kompanya nga pakyas makahatag sa 13th month pay sa ilang mga empleyado mamahimong mademenda.
Sigun ni Valmores nga ang bonus ug 13th month pay parehas lamang apan adunay mga kompanya nga gawas sa 13th month pay naghatag usab ug bonus.
