Nagapati naman si Mayor Bing Leonardia nga INDI ma-apektuhan ang kontrata ukon ang donasyon sang Vallacar Transit sa syudad sang Bacolod, apisar sang nagapadayon sa karon nga conflicto sang pamilya Yanson.
Nahibalu-an nga nag-donate ang Yanson Family sang kapin 8.8 hectares sa bahin sang Circumferential Road-Tangub-Alijis Area sa diin iga-construct ang Bacolod Coliseum, Bacolod Museum-Auditorium kag ang Southbound Terminal.
Suno kay Leonardia,”we believed that our donation was a perfected contract, so it will stand as it is”.
Nahibalu-an nga sa ‘deed of donation’ sang city government kag sang tag-iya sang duta, tanan gid nga mag-utod nga Yanson ang nag-pirma lakip na diri ang ila iloy nga si Olivia Yanson.
Samtang, ginapasiguro naman sang alkalde ang peace and order sa mga terminals sang Ceres Liner bangud sa 24 oras nga deployment sang mga pulis lakip na sa ila main office sa Barangay Mansilingan.
