Dos milyones pesos, gigahin sa konseho sa Cagayan de Oro alang sa mga biktima sa linog

Mokabat sa dos milyones pesos ang gigahin sa konseho sa Cagayan de Oro isip tabang alang sa mga nabiktima sa linog sa Mindanao.

Lakip sa gigahinan niini ang mga biktima sa linog sa North Cotabato, Saranggani, Sultan Kudarat ug Davao del Sur.

Samtang, gihatud na kagahapong adlawa sa City Disaster Risk Reduction and Management Department o CDRRMD ang mga donasyon alang sa Cotabato Province.

Particular nga gihatud ang mga mainum nga tubig ug trapal alang sa mga biktima sa linog.

Gawas niini, gidala usab ang water tanker aron maoy morasyun og tubig sa mga residente.