BACOLOD CITY – Naglab-ot sa 69,337 ka mga foreign tourists ang nagpadulong sa Bacolod City sang 2017 sa record sang Department of Tourism Region 6 (DOT-6).
Nagapangaduha ang syudad sa Aklan sa diin nahamtang ang Boracay Island nga may 898, 914.
Naunahan naman sang probinsya sang Antique ang Iloilo nga may 4,072 ikompara sa sentro sang Panay Island nga may ara lang sang 2, 162.
Ang Iloilo City naman ang may sang 21, 278 nga tourist arrivals samtang ara naman sa pang-apat ang Negros Occidental nga may 4, 681 foreign visitors.
Panglima ang probinsya sang Guimaras nga may 2, 968 kag pinakaulihi naman ang Capiz nga may 1,868.
Sang nakaligad nga mga tinuig ara sa pang-ulihi ang Antique apang sa maayo nga programa kag suporta pang-turismo ni Governor Rhodora Cadiao, nakabawi ang probinsya.
Sa kabilugan ang Western Visayas ang nakarecord sang 1,005,280 foreign tourist arrivals.
Kalabanan sa mga ini ang Chinese nationals 349, 011; 342, 525 Koreans; 40, 253 Taiwanese; 40, 253 Americans, kag 20, 270 Malaysians.
Target sang DOT-6 ang 5.7 million foreign kag domestic tourists antis magtakop ang 2018 mas mataas sang 200,000 sang 2017 nga 5.5 million.
