BAHA | Rapid Damage Assessment, ginpatigayon sang Office of the Civil Defense Region VI sa mga lugar nga ginabaha sa Capiz

CAPIZ – Nagpatigayon na sang Rapid Damage Assessment ang Office of the Civil Defense Region VI sa pagpanguna ni Regional Director Jose Roberto Nuñez, upod PDRRM Officer Speed Pelaez kag Capiz Provincial Government Representative Mr. Pepe del Rosario sa ginabaha nga mga barangay agud hibaluon ang nangin kahalitan sang malapnagon nga pagbaha sa Capiz dala sang Bagyong Agaton.
Nagbisita man si Nuñez sa mga evacuation centers agud kamustahon ang sitwasyon sang mga evacuees. Katayuan sang sini nga mapalab-ot sa mga nagkalain-lain nga ahensya sang gobyerno ang kahalitan nga tuga sang baha agud sa nagakaigo nga bulig para sa mga apektado sang kalamidad.
Nakig-angut man si Director Nuñez kay Capiz Governor Antonio del Rosario kag sa mga municipal mayors sang mga banwa nga ginsul-ob sang baha agud pamatian ang mga rekomendasyon para matapna ang pagbaha sa Capiz.
*Photo Credits: Pulis Tapaz,PDRRMO-Aksyon Tabang*

Facebook Comments