Kalibo, Aklan –Pilang adlaw matapos uman nga ginbuksan rong isla it Boracay sa mga turista, nagpahayag makaron it kalipay si Tourism Secretary Bernadette Romulo Puyat angot sa kooperasyon it mga establisyimento sa Boracay.
Suno kana, mismo sanda eon rong naga sugid sa mga otoridad kada may mga pasaway o may mga ginahimong pagbayolar ro mga kaibahan nandang tag ana it establisyimento nga nauna eong gintaw-an it accreditation it DOT.
Dugang pa ni Puyat, eagi mang nagasunod raya sa oras nga sitahon ukon hamabaean ra sanda.
Sa makaron, uwa pa sanda suno kana it nahapamulta bangud nagasunod man ro mga raya sa warning nga ginatao nanda.
Pero, kung mag-abot suno kana rong oras nga pauman-uman ro pagiging pasaway it mga raya hay indi sanda magduha-duha nga bawion rong accreditation nga una eong gintao sa mga establisyimento.
