Boracay, Island – Igakandado it Boracay Task Force rong mga non-compliant resorts ag hotel nga magapamilit magbukas sa maabot nga Oktubre 26.
Raya rong naging pahayag ni DOT Secretary Bernadette Romulo Puyat sa ginpatigayon nga pag umpisa it dry run kahapon para sa re-opening it isla.
Suno kana nga kinahangean nandang matapos rong mga requirements bago makapag operate.
Dugang pa kara nga igapundo nanda ro ano mang klase it promotion activities kara ag pati rong pagbaton it mga bookings kung siin pwedeng makasuhan ro sin o mang magsuway.
Samtang, ingkaso nga makapag book rong mga guest sa mga bukon it compliant nga mga hotel ag resort hay pagabuligan raya it task force para nga ma refund ro andang ginbayad.
Sa makaron hay 68 pa eamang ka establisyemento sa Boracay rong compliant sa sueondanan it task force.
