DPWH PAGA UMPISAHAN SA FIRST QUARTER IT 2019 RO 2nd PHASE IT BORACAY ROAD REHAB

Kalibo, Aklan – Matapos nga ging pahayag ni Department of Public Works and Highways DPWH Secretary
Mark Villar, nga matapos ro first phase it Boracay main road rehabilitation nga may budget nga P490
million halin Cagban, Manoc- manoc hasta’t station 1sa first week it December 2018, ana pa gid nga ging
promisa nga ro second phase it Boracay main road rehabilitation hay paga umpisahan sa first quarter it
year 2019.
Suno kay secretary Villar, ro 2nd phase maupisa sa station 1 hasta’t barangay Yapak. Dugang na nga ging
pahayag nga kaparti pa gid it second phase ro kumpletong drainage system, construction it side walks ag
pagtapos ko circumferential road sa isla.
Samakaron ging pangayuan it pasensiya sa mga pumueuyo ag mga turista ni Secretary Villar ro
inkumbiyensiya nga tuga it road construction. Suno kana normal eang raya nga mga problema bangud
oras nga makumpleto eon ro rehabilitasyon duea eon ro traffic congestion ag pagbaha sa karsada…