BACOLOD CITY – Natalana na nga paga-inagurahan bwas nga adlaw ang P365 million pesos nga fly-over project sa Araneta Avenue kag Magsaysay Street sa syudad sang Bacolod sa diin ang dinapit nga bisita amu si Department of Public Works and Highways (DPWH) Secretary Mark Villar.
Suno kay Mayor Bing Leonardia nga daku ang mabulig sa ti-on nga magamit na sang publiko ang Araneta Magsaysay fly-over sa diin mahagan-hatagan sini ang trapiko sa southern part sang syudad.
Paathag ni Leonardia nga ang Araneta-Magsaysay fly-over ang iya naman gin-sugdan nga proyekto sang ini ang kongresista nagligad sini nga termino sa diin ginpadayon naman ini ni Congresman Greg Gasataya.
Dugang pa sang alkalde nga madamo sang mga proyekto kag mga programa ang matapos kag ma-implement sa ti-on naman nga naga-buligay ang city mayor kag ang congressman./dyHB BACOLOD
