BACOLOD CITY – Ginpulihan kastigo ang isa ka lalaki matapos nga ini siya ang nadakpan nga nagapangawat sang battery sang isa ka truck pasado las 6 kagab-i sa Tanduay Avenue, Brgy. 31 diri sa ciudad sang Bacolod.
Nakilala ang suspek nga si Michael Patena, 42 anyos ang edad kag tumandok sang Brgy. Inolingan, Moises Padilla.
Suno sa tag-reklamo nga si Lito Fernandez, 36 anyos sang Brgy. Sum-ag mga madakpan sa akto si Michael nga nagapangawat sang duha ka battery sang isa ka 10-wheeler truck nga nagabalor tanan sang kapin 13mil pesos.
Bangud sini, nakastiguhan sang mga bystanders ang suspek gani ini ang nag-angkon sang madamo nga pilas sa nagkalain-lain nga bahin sang iya lawas.
Si Michael ang detained na karon sa estasyon sang pulis kag natalana nga pasakaan sang kaso./dyHB BACOLOD
