Gi-andam na ni City Councilor Roger Abaday ang iyang draft ordinance nga iyang ipasaka sa City council sa ilang session sa Lunes sunod semana.
Matud ni Abaday nga iyang ipasaka sa konseho ang iyang propose ordinance nga maoy maghatag sulbad sa nagkagrabing traffic sa Cagayan de Oro.
Napikon si Abaday samga vendors sa merkado sa Cogon nga gitugotan sa Management sa City Economic Enterprise Department nga maghimog tindahan sa ilang mga baligya tunga-tunga sa kalsada sa dalan Osmeña, Captain Vicente Roa ug uban pang main streets sa Cogon Public Market.
Gibutyag ni Abaday nga ang maong mga vendors nakahatag sa dugang problema sa traffic ning syudad.
Lakip sa wala magustohi ni Abaday ang traffic light ning syudad nga duol ra kaayo ang distansiya.
Matud ni Abaday nga ang du-ol na kaayo nga distansiya sa traffic signal usa sa mga hinungdan nga nagtraffic ang mga kalsada ning syudad.
Wala usab makagusto si Abaday sa nagdungan nga trabaho sa mga Road constructions sa DPWH.
Gipasabot ni Abaday nga ang nadungan nga construction sa road networks ning syudad ang usa sa mga hinungdan nga nagkagubot ang traffic sa Cagayan de Oro.
