Samaran ang usa ka drayber sa motor human nakabangga sa Patag liner ang gisakyang motorsiklo pasado alas kwatro kaganihang kadlawon sa Bulua highway ning syudad.
Ang drayber sa motor nailang si Tebor Salvador, 28 anyos, minyo, taga Barangay Bulua samtang ang drayber sa Patag liner mao si Eriel Saturno, 35 anyos, minyo ug taga Barangay Kauswagan.
Nagping-it sa kasakit sa iyang tuong tiil ang drayber sa motor sa dihang naabtan sa dxCC-RMN sa tunga sa dalan.
Nasayran nga nagsubay sa Bulua Highway ang Patag liner ug niliko paingon sa Barangay Patag sa dihang nakabangga ang motorsiklo sa tumoy nga bahin sa jeep.
Ang maong traffic accident, gi-imbestigahan ni PO3 Dennis Palangpangan sa Bulua Police Station human gipahibalo sa dxCC-RMN ang maong police station.
