General Santos City—Gikumperma karon sa Polomolok Traffic Management Office pinaagi ni Police Officer 3 Bobby Villena, Traffic Section Investigator nga nanimaho sa ilimnong makahubog nga binu ang drayber sa motorsiklong mibangga kaniadtong milabayng adlaw sa Sadam Truck nga may Plaka numero KGL 749 sa may Barangay Crossing Palkan Polomolok South Cotabato.
Kahibaluan nga nagpabilin pa karon sulod sa balay tambalanan ang drayber sa motorsiklo nga giilang si Ryan Reporberto, hamtong ang panuigon human mabangga sa ligid sa Sadam Truck ang ginamahinuang motorsiklo niini.
Depensa sa drayber sa Sadam Truck nga giilang si Roger Yanos, padulong siya sa sentrong bahin sa Polomolok samtang ang motorsiklo padulong sa upper Polomolok area sa dihang kalit lamang nga mibangga ang motorsiklo ngadto sa kilirang bahin sa ligid sa Sadam Truck.
Dugang pa ni P03 Villena nga kusog ang pagpadagan sa motorsiklo rason nga wala niini madeparahan ang kasugat nga Sadam Truck.
Apan sa pagpanubay sa RMN Gensan ngadto sa Polomolok PNP human nga madetine ang drayber sa Sadam Truck sulod sa pipila ka adlaw niadtong milabayng adlaw gibuhian na sa kapulisan ang drayber nga si Roger Yanos human sila magka areglohay sa mga kabanay sa biktima. (Emir Bariquit)
