![image.png](https://i0.wp.com/rmn.ph/wp-content/uploads/2020/07/image-46.png?resize=696%2C617&ssl=1)
Patay ang isa ka drayber sang motorsiklo matapos aksidente nga nakabunggo ang iya gina-maneho nga motor sa isa ka truck nga madugay na ginbilin sa higad sang dalan sa access road, area sang Brgy. Efigenio Lizares las 8:30 kagab-i.
Suno sa Talisay City Police Station, ang biktma nga nakilala kay Ramil Banares ang dead on arrival sa Talisay City Health Center matapos nag-angkon ini sang seryoso nga pilas sa iya ulo kag lawas.
Base sa pagpanguisa sang utoridad, nagsuhot gid ang motorsiklo sa likod sang naka-park nga truck sa higad sang dalan.
Pahayag sang mga pumuluyo sa amo nga area nga halos isa ka bulan na nga ginbilin sa higad sang dalan ang amo nga truck matapos nga ini ang nag-angkon sang diperensya.
Nahibaluan nga indi ini ang una nga kahigayunan nga may naaksidente sa amo nga truck kon diin sadtong Hunyo 15 na-fracture gid ang tiil sang isa ka biktima sang ini nakabunggo sa truck samtang sang Hunyo 17 napatay man ang biktima matapos nakabunggo ang iya ginadala nga salakyan sa amo nga truck.
Sa karon nagpasalig na ang tag-iya nga kuhaon na niya ang amo nga truck kag sabton man nila ang kinahanglan sang biktima kag sang iya pamilya.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>