Driver patay human misukol sa kapulisan

37

General Santos City—Patay ang usa ka driver human kining misukol sa kapulisan atol sa gipahigayong Buy-bust Operation alas 11:45 ang takna sa gabie sa may Sharif Mocsin, Barangay Baluan, Gensan.

Suspek giilang si Mamano Baladjay, hingkod ang pangidaron ug residente sa Nasa Subd., Barangay Lagao, Gensan.


Subay sa blotter report sa Police Stastion 3, Mikagat matud pa ang suspek sa tanyag sa Police nga nagpakarong-ingnon poseur buyer, diin napalitan ug usa ka sachet sa gituohang shabu ang suspel.

Apan samtang gihimo ang operasyon, nakamatikod ang suspek nga police ang iyang transaksyon mao nga nibunlot kini ug police dayon gipabuthan ang kapulisan.

Paspas nga nakabalos ang mga police nga miigo sa biktima, gilayon kining gidala sa ospital apan gideklarang dead on arrival.
Gikaingong dugay nang gipanid-an sa kapulisan ang iligal nga binuhatan sa suspetsado.

Facebook Comments