Patay ang driver sang motorsiklo sa nagluntad nga disgrasya sa dalanon sa Sitio Ong Ante, Barangay Liwanay Banga, South Cotabato, alas 10:20 kagab-i, Oktubre 25, 2021.
Sa imbestigasyon sang Banga MPS, sakay sa Honda Wave MC, color Blue ang biktima nga si Isidore John Atensor Democrito, 43 -anyos, municipal employee, kag residente sang Purok Yellow, Barangay Liwanay, Banga, South Cotabato.
Base sa imbestigasyon ang biktima ang halin sa Banga Poblacion padulong sa direksyon sang Barangay Liwanay kag pag-abot sa nasambit nga lugar nadulaan sang kontrol sa ginamaneho nga motorsiklo ang biktima kag natumba sa sementado nga dalan.
Gindala pa sa ospital ang biktima, apang gindeklarar nga dead on arrival sang attending physician tungod sa naangkon nga malala nga pilas sa ulo kag mga nagkalain-lain nga parte sang iya nga lawas.
