Detinado karon sa mini-cell sa P-DEA 10 ning syudad ang driver sa ambulansya sa Opol Municipal Health Office, nga si Anselmo Pandan human kini masikop sa gipahigayong buy bust operation niadtong Mierkoles sa hapon sa ilang pinuy-anan, sa Zone-5, Barra, Opol, Misamis Oriental.
Nasikop si Pandan sa gihimong joint buy bust operation sa kapolisan sa Opol Police Station, nga giunhan ni Police Senior Insp. Dennis Flores ug sa P-DEA 10 nga giunhan ni Atty. Sally Hans Barbaso.
Nakuha gikan kang Pandan ang tulo kabuok sachet sa shabu nga adunay nagkalain laing gidak-on, diin ang tanan nagtimbang sa 10 grams kapin kon kulang, nga gibana-banang nagbalor sa 70 mil pesos ug duha kabuok tag-5 hundred pesos nga kwarta isip buy bust money.
Sa karon, anaa na sa P-DEA 10 ang mga nakuhang ebedensya gikan sa suspek, kinsa nag-atubang og kasong pagsupak sa Republic Act 9165.
By; Radyoman Aiza Enloran and Ellah Baculio
