General Santos City–Dead on arrival sa Dr. Jorge Royeca Hospital ang usa ka Naslun Alian Jamih, 62 anyos nga nanimuyo sa Prk 1, Sto Niño Barangay Apopong ning syudad human nga madisgrasya ang sikad nga ginamanihuan niini alas 12:45 ang takna sa kaadlawon sa Fil Am-Road Prk. 21, Blk 21, Barangay Fatima samtang naka-angkon usab ug bun-og sa nagkandaiyang parti sa kalawan ang pasahero niini nga si Benjuan Castillo, 20 anyos nga nanimuyo sa Prk. Olarte, Barangay Labangal.
Sumala pa Ni Police Corporal Limuel Aves ang imbistigador sa Traffic Management Unit nga nagmaniho matud pa ang nahisgutang biktima sa iyang siakd sakay si Castillo sa maong lugar padulong sa diversion road sa dihang mi-overtake matud pa kini sa sikad nga nag-una kaniya.
Pag balik niini sa iyahang linya wala na niya nakontrola ang iyahang motor ug didto nahulog sa shoulder ug nabalintong kung asa nalagpot matud pa ang biktima ug pasahero niini.
Dugang pa ni PCPL Aves, migula sa imbistiagsyon nga wala nakainom ang nahisgutang biktima ug ang backride niini ug karo matud pa nga usa kini ka self accident.
hinuon ilaha pang siguron pinaagi usab sa kabanay sa namatay nga biktima kung ang nasampit gyud ang nagamaniho sa nasangpit nga trisikad dihang nahitabo ang aksidente.
Nag pahimangno nalang si Aves sa mga motorista nga kanunay gayud mag-amping sa pagmaniho sa ilahang mga sakyanan ug dili basta-basta mag overtake kung anaa sa kurbada nga bahin aron malikayan ang disgrasya.(Dave Silagan)
