Driver sang motor patay matapos nakabunggo sa sugata nga trak

418

KABANKALAN CITY – Patay ang drayber sang motorsiklo matapos nakabunggo ang iya ginamaneho nga Kawasaki Fury sa isa ka Isuzu cargo truck.

Ginkilala ang biktima kay Angelito Paner, 43 anyos sang Barangay Tabugon.


Ginkilala naman ang drayber sang trak kay Jonathan Pilapil, 41 anyos sang Purok Tarukan, Barangay Salong.

Natabo ang insidente las 3 sang kaagahon, Abril 8 sa national highway sang Barangay Talubangi.

Sa imbistigasyon sang kapulisan, ang biktima nag-agaw sa pihak nga lane sang dalan kag ini ang nagbunggo sa sugata nga trak.

Gilayon naman gindala sa LDZ hospital ang biktima apang gindeklara nga dead on arrival.

Facebook Comments

From Advertisers